الهام بدوي

نطمع دوما أن يكون غدنا أفضل وهو أكيدبإذن الله أفضل فأنا عند ظن عبد بي ..

لكن شعوبنا العربية مرهقة جدا جدا من انتظار بكرة ومن وجع دلوقت

فكتبت عن وجع دلوقت



هو دلوقت بوجع يا صاحبي ليه

إكمن اللحمة غالية والناس المتعلمة فاضية

والبيوت بقت اجارها نار ومش لاقية

والناس بقت ليه كدة وحشة

والشوارع بقت زحمة

والبيوت صحيح واسعة بس صدقني فاضية

حتقولي العيب فيك

وكل كلامك كذب يا مفتريةومتشائمة

ومش اساسي

طب ليه كل حاجة سعرها غالي ومش على مقاسي

واووعوا تفتكروا اني تخينة ولا بخيلة

والله هي العيشة بقت صعبة وتعبت منها وما عنديش حيلة

هو بكرة إيمتى يجي ويطل

وإن جه يا صاحبي

وعلينا هل

يا ترى حيبقى

زي مبارح

بخيبة قوية وكره وغل

حتى يوماتي

حزين تملي

وعلي قاسي

وبقول

ياربي

علينا تحن

وليلي

طول

ونهاري عتم

وفرحي هارب

ودمعي نازل

بقهر

وذل

إزاي يا صاحبي

بلدي

تقسى

وهي أمي

وبزرع فيها ورد وفل

بيطرح زرعي

شوك وجارح

وينور زهري

شهد مالح

واسكت روحي

واقول يا ربي

مصيرها تفرج

مصيرها تنحل

خلاص يا صاحبي

بكرة أحلى ودلوقت فل

إلهام بدوي

وعيد سعيد ورمضان كريم على الكل